I don't know what to do anymore. Since my summer plan gone up in flame for the 20th times or something.  Just sitting at home being a BUM for the summer.  I wish there is something I could do to get you to come home.  I guess I can't do anything because I am not part of you family so I will always finish last.  Like they say...nice guy always finish last.  ***SIGH***

 

Got up early this morning to go rent a car for us, fanstic four (John L., Chang S., Chong Y., and Me) to go to Sacramento to join Shawn's wedding.  I felt asleep on the way but there and we were about 5 miles past the house when I woke up...haha.  I know I should've stay up to look at the road...oh well.  I was tired from staying up at my cousin's house until 3:30am the night before.  We got there a little late...they started the wedding already, we had to wait for Shawn's wife to get come outside to get us to go eat...haha.  Shawn was drinking (taking shot) of Soy Bean...haha, that was easy.   We left at 2pm to go fishing in Los Banos (I called it Los "Npab Nauj", Chang called it Los "Hoob Nab") b/c they want to fish.  I didn't fish of course...too poor to buy license and fishing equipments...haha.  I spent most of the time thinking and running up and down the hill trying to get signal on my phone...haha.  We left Los Banos around 8pm and got home after 9pm.  I got home and sat around...going to sleep right now...Almost forgot to write...haha....goodnight.

Wow!!! Its almost 12am...hehe.  Its day 3...hehe...I miss you a lot...so I decided to go out driving, (I know I told you this already but oh well...haha).  I went out to lunch w/ couple of the guys and than came home to pick up my little brother.  We went shopping (sort of) w/ John L and Chang (Mien Guy) for softball equipments.  My little brother got mad at me b/c he want to buy something and I told him that he can't buy something b/c there is no something for him to buy...and I was broke...haha.  We decided to drop by school after that so we can join SEAT Association on their End of the Year Banquet.  Guess what....he got mad at me again...haha.  I didn't let him play game b/c we were there for the banquet than I had to go to the park and played softball w/ my friends.  The only problem was nobody showed up...only 7 of us....well, we had FUN!!! We just practiced, hitting & catching...PRACTICE WAS GREAT!!!

 

BY THE WAY...HAPPY BIRTHDAY TO ALL JUNE 15 PEOPLE...LOVE U ALL...WHEREVER U ARE...HOPEFULLY U HAD A GREAT BIRHTDAY...GOOD NIGHT TOO ALL

Today is our four month aniversary but she is not here w/ me...Its only been two days and I missed her already...how am I going to last another three weeks...haha.  I just played w/ my little brother all days...like he said...all day, all night...haha.

Take my girlfriend to the airport, she is gone for the next three weeks.  I guess I will have to find something to do...hehe.  Not today, I am a BUM today.  Just sitting at home playing game with my little brother and by myself since she is gone, I have nowhere to go.  I missed her already, anyway, hope she have more fun than me up there in MN. 

 

Zaum Nram ntug hiav txwv saib lub hnub ploj lawm zuj zus.  Ntaj Neeb thiaj li tsa suab loo hais rau Ntxhee Yees.

Qhov kuv xav tau yog koj txoj kev hlub.  Txawm yuav kom kuv txhos caug thov los  kuv yeem ua tsuav kuv tau koj lub siab xwb.  Sim neej no yog tsis muaj koj los nyob hauv kuv xub ntiag ces kuv yuav tsis paub ua neej nyob.  Koj puas paub hais tias kuv no hlub koj npaum li cas.  Yog kuv muab tau kuv hlub siab rau koj saib kuv yuav muab kiag kom koj thiaj paub hais tias kuv no hlub koj npaum li cas.

Tsis txhob hais tus niag dag ntsuav li ko tsam ntuj rau txim rau koj.

Ntuj txawm yuav rau txim los, kuv yeej tsis ntshai li os.  Kuv tsaus siab muab kuv txoj sia pauv kev hlub.  Yog hais tias kuv tau koj los nrog kuv nyob ces sim neej no dab tsi lost sis ntshai.  Yam ua kuv ntshai tshaj plaws hauv ntiaj teb no yog tsam tsis muaj tus hlub.

Puas yuav muaj tseeb li koj hais tiag ma.  Kuv ntshai tsam koj lam hais lu zoo rau kuv xwb ob peb hnub tom ntej koj mua koj lawm es kuv yuav ua cas nco.  Txiv neej lub siab mas ntseeg tsis tau li lawm os.

Tsis txob xav li ko ma.  Ntiaj teb tib neeg tsis muaj ob tug ua yuav zoo ib yam.  Nyias muaj nyias siab, tsis txob muaj los sib piv vim hais tias nws tsis zoo rau yus.  Thov koj ntseeg kuv thiab ma.  Yog kuv txaus siab hlub lawm kuv yeej tsis pauv siab.  Kuv thov cog lus rau lub ntuj daim av hais tias thaum koj muab koj lub siab rau kuv, kuv yuav tsis ua phem rau koj.  Yog hais tias kuv ua phem rau koj ces kuv tsis tsim nyog ua neeg nyob.

Ntaj Neeb, koj puas yuav cog lus tau rau peb hais tias koj yuav hlub Ntshee Yees tiag tiag ma.  Vim peb tsis xav pom neb ib tug lub kua muag nrog.  Peb twb ua phooj ywg los tau 1 xyoos txwm nkaus tag kis.

Nkauj Iab: vuag!!! Txawm siv tau 1 xyoos lawm ntag.  Kuv hnov qab hais tias zoo li nag hmo xwb ua yog hnub uas peb sib ntsib.  Yog li ntawv ces peb mus ua si yom.

Sawv daws: mus los mus tab sis peb tsis kam koj nrhiav qhov chaw.  Vim hais tias zaum tas los no koj qhov chaw tsis lom zem li.

9 hi tom qab…Twb txog caij Ntaj Neeb yuav ncaim Ntshee Yees mus kawm ntawd txawv nroog.

Koj twb yuav mus kawm ntawv deb, kuv ntshai tsam koj mus deb es koj tsis nco txog kuv lawm xwb.  Koj yeej paub lawm hais tias kuv niam thiab kuv txiv nkawd yeej tsis pub wb sib cuag lub caij no.

Yog ntshai tsam kuv dag no cia kuv coj koj mus nrog kuv niam thiab kuv txiv nkawd nyob es kuv los wb mam ua tshoob.  Yam ua kuv hais tau kuv ua tau.  Kuv twb hais rau koj lawm hais tias kuv yuav hlub koj xwb, txawm ntiaj teb hluas nkauj yuav muaj coob ntau tug los tsis zoo li koj.  Kuv zoo tam lub ntuj daim av rau kuv.

Tshav dav hlau, Fresno Yosemite International Airport.  Ntxhee Yees nyob hauv Ntaj Neeb xub ntiag.

Ntxhee Yees, koj nyob kuv mus kawm ntawd ob peb hnub txog caij so kuv mam rov qab los saib koj.  Thov Yawm Saub thiab lub ntuj foom koob hmoov rau koj kom koj tsuas tau txoj kev noj qab hau huv.  Koj txoj kev hlub yog kuv txoj kev sov siab.  Kuv mam hu xov tooj nrog koj tham txhua lub caij kuv muaj sij hawm.

Koj los ib yam thiab.  Koj mus no hos hnov qab hais tias muaj ib tug tseem niaj hnub nco txog koj.  Kuv yuav nyob tos txog hnub koj rov los.

Paj Yeeb Ntsha, Nkauj Iab, Koob Meej, thiab Nkauj Ntsuab: Koj mus kawm ntawd kom zoo mes ntsis nawb.  Tsis txhob lam mus ua dog ua dig, koj nco ntsoov hais tias Ntxhee Yees nws tseem nyob tos koj xwb.  Saib xyuas koj tus kheej kom zoo, peb muaj sij hawm peb mam tuaj saib koj.

Sawv daws kua muag los. Ntaj Neeb txiv thiaj mus hais rau lawm hais tias.

Rau Ntaj Neeb, twb yuav txog caij dav hlau ya, koj maj me ntsis.  Rau sawv daws, nej tsis txhob txawj nws tsis ntev nws yeej yuav rov los.  Peb sawv daws xav kom nws kawm kom tau ntawd.  Tig rov qab rau Ntaj Neeb, tub tsuag tsuag tsam lawm kaw qhov rooj lawm.

Ntaj Neeb tiag mus rau nws niam thiab txiv, neb pab saib xyuas Ntxhee Yees rau kuv.  Kuv mus kuv mam rau siab kawm ntawd, hais rau Ntxawm thiab Teeb kom nkawd rau rau siab kawm ntawd kuv thiaj yuav khoom rau nkawd.  Kuv mus lawm mog, ob peb hnub tom nej no kuv mam rov qab los saib nej.

Tub tsis txhob txawj saib xyuas koj tus kheej mog.  Ntaj Neeb niam, nco ntsoov ua mog noj thiab nawj tsis yog hais tias yuav zoo tshaib xwb.

Ntaj Neeb tig rov qab mus rau Ntxhee Yees, kuv mus lawm mog, hnov qab hais tias kuv yuav rov los tsis ntev tom ntej no.

Tom qab dav hlau ya mus lawm, Ntxhee Yees tig rov qab mus rau Paj Yeeb Ntsha, Nkauj Iab, Koob Meej, thiab Nkauj Ntsuab, Kuv yuav ua cas nco.  Thaum wb nyob ua ke kuv twb tsis paub nyob, tam sim no nws mus deb lawm kuv haj yam yuav tsis paub nyob.

Tsis txhob txawj ma Ntxhee Yees, tseem tshuav peb nyob ntawm no.  Peb los kuj yog koj cov phooj ywg ib yam thiab, muaj dab tsis los hu nrog peb tham.

Hmo tawm hnub, hnub tawm hli.  Ib pliag ntshi xwb twb yuav txog Thanksgiving Vacation, Ntaj Neeb tsis tau muaj caij rov qab mus cuag Ntxhee Yees thiab nws tsev neeg.  Txawm nkawd niaj hmo tham xov tooj los Ntaj Neeb lub siab tsis kaj li.  Tau ob peb hmos no nws tsis tau dab ntub li.

“Ntaj Neeb, koj puas nco qab txog koj tus kwv tij Thaiv lawm na.  Hnub i nws tau nug kuv seb kuv puas kam nrog nws mus ua si.  Kuv hais rau nws hais tias tsam koj xav li cas rau kuv tab si nws tsis xyeej li.  Nws hais rau kuv hais tias nws tsis xav pom kuv nyob tsis tus es nws coj kuv mus ua si.  Wb txawm mus saib yeeb yaj duab lawm, ua ntej kuv yuav mus tsev nws cia li ncav tes los puag kuv thiab hnia kuv.  Kuv tsis kam li tab si nws pheej tsis xyeej li, nws hais rau kuv hais tias nws twb nyiag nyiam kuv los ntev lawm tab sis tsis muaj peev xwm qhia vim hais tias wb sib hlub heev nws tsis xav txiav wb txoj kev hlub.  Tam sim no koj tsis nyob ntawm no lawm nws cheem tsis tau nws tus kheej.”  Xov tooj nrov.  Tam sim ntawd Ntaj Neeb tseem dheev los saib loo lub moo ua cas yog 5 teev tsaus ntuj xwb.  Nws xav tsis tawm li, ua li cas yuav npau suav li ntawd.  Ncav loo tes mus muab xov tooj los saib ua cas yog Nkauj Iab.

Nyuam qhuav sawv, Nyob zoo os Nkauj Iab.  Muaj dab tsi os.

Nyob zoo Ntaj Neeb, thov txim kuv ua rau koj sawv lawm pob.  Hnub no koj tsis kawm ntawd los ua cas koj ho los pw lawm?

Twb yog kuv pheej tsis qab siab es kuv thiaj li los pw lawm xwb, xav hais tias pw ib pliag mam rov qab mus saib ntawd no.  Koj hu kuv es muaj dab tsi os?

Nkauj Iab xav ib pliag nws thiaj li hais tias. Tsis muaj dab tsi, twb yog ntev ntev lawm es tsis tau pom koj lam hu tuaj seb koj nyob li cas lawm xwb.  Peb sawv daws los kuj tseem noj qab nyob zoo, tsuas yog sawv daws nco nco koj xwb suav rauv hnub thiab hmo seb thaum twg koj mam rov los.

Ntawm kuv los tsis muaj dab tsi tsuas yog kev kawm nws yuaj tshaj li qhov xav tau xwb thiaj li tsis tau muaj caij nyoog los xyuas nej.  Hais rau sawv daws hais tias kom lawv zam txim rau kuv.  Hnub twg kuv muaj caij kuv mam los saib nej.  Koj puas ntsib Ntxhee Yees.  Kuv tsis pom nws ntev lawm ua rau kuv lub siab nyob tsis kaj li.

Ntxh…Ntxhee Yees los, nws kuj noj qab nyob zoo thiab los mas.  Nws tham txog koj tas mus li xwb.  Nws nco…nco koj heev.

Nkauj Iab, vim li cas koj hais tsis tau lus li, yog muaj xwm dab tsi?

Tsis muaj dab tsi os, thaum twg koj los kuv mam qhia koj.  Koj tsis txhob hnyav siab, ua siab loj.  Kuv lam hu tuaj nrog koj tham li no xwb, kuv yuav mus ua hauj lwm es mam ntsib dua lwm zaus.

Ua li los mas, saib xyuas koj tus kheej kom zoo mog.  Sib Ntsib dua.

Tom qab nws muab xov tooj khwb tas, nws mus ntxuav muag, ab…Nkauj Iab twb tsis muaj hauj lwm ua los sav?  Vim li cas nws ho hais li ntawv.  Puas yog nws zais dab tsi lawm pob?  Kav liam ma, tej zaum tsis muaj dab tsi.  Nws twb hais rau kuv koj ua siab loj, nws yeej tsis tau dag kuv dua li.  Ntaj Neeb da dej tas nws txawm tawm rooj lawm.

Xov tooj hauv tsev rov tab sis tsis muaj neeg teb li.  Paj Yeeb Ntsha, tiaj li tso lus tseg rau nws xwb.  “Ntaj Neeb, koj mus dab tsi lawm.  Koj nyob li cas lawm xwb, kuv vam thiab cia siab hais tias koj yuav tau txais koj kev noj qab haus huv.  Ntawm kuv los tsis muaj dab tsi?  Peb sawv daws xav ntsoov txog koj, xav txog thaum peb mus ua si nram hav dej.  Koj puas nco qab lawm nab, thaum koj hais rau Ntxhee Yees hais tias koj nyiam thiab xav ua nws tus hlub.  Xav txog mam kua muag los xwb.  Ntaj Neeb, kuv hais rau koj hais tias ib puas txav yam nws hloov tag lawm mog, peb sawv daws tsis tau sib pom los ntev lawm.  Nag hmo Nkauj Iab thiab kuv thiaj lawm mus saib Ntxhee Yees tom nws tsev thaum tsaus ntuj.  Thaum wb mus txog qhov wb pom ua rau wb kua muag poob rau koj.  Paj Yeeb Ntsha pib quaj.  Ntaj Neeb, thov txim mog ua wb ua tsis tau li cas.  Thaum wb pom Thaiv thiab Ntxhee Yees sib hnia hauv Thaiv lub tsheb wb cia li txhav lawm.  Kuv thiaj hais rau Nkauj Iab kom nws cia li tsav tsheb mus xwb es nws thiaj li tsis pom wb.  Nkauj Iab cia li sib sib zog tsuj roj ua rau nkawd pom wb.  Nag hmo Ntxhee Yees tseem hu tuaj thov txim ntawm kuv hais tias qhov wb pom ntawd nws tsis muaj dab tsi kom kuv txhob qhia koj tsam koj kawm tsis tau ntawd.  Thov txim os, kuv cheem tsis tau kuv tus kheej lawm mog kuv thiaj li hu tuaj qhia rau koj tab si koj tsis nyob lawm ces kuv hais li no xwb.  Saib xyuas koj tus kheej nawb mog leej nus Hmoob dub dai siab.  Sib ntsib dua.”

Thawm plaws txog nraum zoo xwb nws lub xov tooj ntawm duav nrog. Nyob zoo os, nov yog leej twg os.

Nyob zoo, yog kuv xwb os, Kos os.  Koj tab tom ua dab tsi na?  Yog koj muaj sij hawm no nrog kuv mus ua si tom Tub tsev, hnub no yog nws lub hnub yug es nws kom wb mus koom.

Ua li los, mus los mus kuv tab tom yuav hu rau koj seb koj ua dab tsi na has.  Kuv nyuav qhuav sawv, kuv npau suav tsis zoo li.

Tuaj tos kuv muaj dab tsi mam tham.  Tsuag Tsuag ov tsam wb lig lawm.  Tub kom wb mus kom txog ua ntej 6 moo.

Ntaj Neeb thiab Kos nkawd mus nrog ib cov phooj ywg hau dej chaw ua si lawm.  Thaum nkawd mus txog tom Tub tsev muaj ob tug hluas nkauj los coj nkawd mus zaug nrog ob tug hluas nkauj cov phooj ywg.

Tuaj lawm los ob tug.  Kuv ntshai tsam neb tuaj tsis ncav sij hawm. Tub tho ob poom beer rau nkawd. Ua tsaug neb tuaj koom kuv hnub no.  Nws saib kiag pom Ntaj Neeb ntsej muag tsis luag.  Ua li cas rau koj lawm na?  Zoo li ob peb hnub no koj muaj kev nyuaj siab heev?

Tsis muaj dab tsi os twb yog kuv tsis tau pom Ntxhee Yees ntev lawm es nco nws xwb thiab puag ta kuv ua npau suav phem heev.

Tsis txhob txawj xeeb, luag tej laus piv txoj lus hais tias noj ntau npau suav ntau xwb.  Yog li ntawv no los peb haus dej ua sib. Tsis txhob xeeb yog nws hlub yus tiag no nws yeej yuav nyob tos xwb.  Kuv xav pua yog li ntawv ma?  Hluas nkauj nyob kiag ntawm yus ib sab kav tsij nrog tham ua si ma tsis txhob ua tug niag ntsoos ntsoos li ko.  Yog kuv hnub yug lawm koj tsis nrog kuv zoo siab los ua cas ma.  Mauj dab tsis tag kis wb mam tham, kav tsij koom lawm, lawm tos koj lawm xwb.  Kuv yuav mus tos qhua.

            Eb! hluas nkauj nej pab saib kuv ob tug phooj ywg no thiab nrog nkawv tham ua sib. Nej nco qab nkawd lawm os.  Nkawd yog ob tug ua zaum tas no nej hais tias zoo nraug heev koj kuv qhia npe rau nej na, tus no yog Ntaj Neeb, nws tuaj California tuaj hos tus sab xis no yog Kos, nws tuaj North Carolin tuaj.

Nkawd tuav loo lawm tes, ua cas Ntxhais txawm tuav Ntaj Neeb tes ruaj ruaj thiab saib nws nruj nruj.  Nyob zoo Ntaj Neeb, puas yog koj thawj zaug tuaj rau nram Florida no.  Koj puas paub hais tias Hmoob pib khiav los nram no coob coob lawm na?  Kuv nyob hauv Florida no tau 5 xyoo lawm, thaum kuv nyuam qhuav los tsis muaj Hmoob li.  Zoo siab tau ntsib koj thawj zaus.  Tig loo mus saib nws sab tes cas tseem tau Ntaj Neeb siab thiaj li tsa suab loo hais tia, thov txim os Ntaj Neeb.

Tsis ua li cas, thov txim leej muam koj hu li cas thiab koj yog xeem dab tsi na?

Ntsej muaj liab tas.  O, kuv los?  Kuv hu ua Ntxhais, yog xeem Tsab.  Ho koj ne?

Kuv yog xeem Lauj.  Koj kawm ntawd qhov twg na, yog koj tsis xav li cas?

Kuv los kuv kawm nram Florida State, xyoo no yog kuv thawj xyoo xwb nws muaj peb ob peb leeg thiab los mas.  Koj kawm hauv University of Florida puas yog na?

Yog los mas, puas yog Tub qhia koj?

Koj paub Tub li cas na?

Tub wb yog kwv tij kwv npawg, noj nyob ua ke thaum me los tab sis wb sib ncaim tau 5 xyoos nyuav qhuav pom xyoo no xwb.  Xyoo no yog kuv thawj xyoos kawm graduate school.

Koj tuaj California tuaj no koj kawm tiav hauv lub tsev kawm ntawd twg tuaj na?

Kuv los, kuv kawm tiav hauv California State University, Fresno los yog Fresno State tuaj.  Nco dheev hais tias nws tsis nco qab hu rau Ntxhee Yees lawm.  Thov txim kuv mus hu xov tooj tso kuv mam los.  Ntaj Neeb txawm tawm nraum zoov lawm.  Nws hu mus rau Ntxhee Yees tab sis tsis tsis muaj neeg teb li, nws saib nws lub moo ua cas twg 11 moos lawm mam xav tau hais tias twb 2 moos sawv ntxov hauv California.  Nws thiaj lit so lus rau Ntxhee Yees xwb.  “Thov txim ua kuv hu lig zog lawm, kuv tseem nrog kuv ib phooj ywg mus kuv tus kwv tij kwv npawg lub hnub yug lawm.  Pw zoo koj mog tus hlub.  Mam ntsib koj tab kis.”  Nws rov qab mus hauv tsev mus nrhiav Ntxhais, nws nrhiav ib hmo nrhiav tsis tau li.  Ua ntej nws yuav mus tsev Tub txawm hu nws mus nrog Tub tham.

Koj puas muaj kev lom zem thiab?  Puag tab koj tseem mus dab tsi lawm na?  Ntxhais nrhiav tsis tau koj es nws mus tsev lawm. O, tsis nco qab nws muab tau nws tus xov tooj rau ntawm nov, nws hais tias yog koj khoom no kom koj hu mus nrog nws tham ua si no.  Ntaj Neeb, kuv yog koj mas kuv cia li hu mus nrog nws tham es coj mus ua si nram Key West Island.  Ntxhais los kuj zoo nkauj ib yam li Ntxhee Yees thiab nws kuj yog ib tub neeg zoo.  Nws niam thiab nws txiv nkawd tsis pub nws mus laij li.  Hmo no nws hais rau lawd hais tias nws yuav mus saib ntawd nrog ib tug phooj ywg.  Nws dag vim hais tias nws xav tuaj pom koj dua ib ntxiv.  Koj twb tuaj ntev lawm ntshe Ntxhee Yees twb muaj dua tus tshiab lawm os.

Txhob hais li ko ma Tub.  Nws yuav tsis hloov siab sai npaum li koj hais, tsis tas li ntawv nws twb cog lus rau kuv ua ntej cov phooj ywg sawv daws.

Koj tsis nco qab lawm los, cov laus tau hais tseg lawm hais tias poj niam siab me yog koj tsis nrog nws nyob ua ke ces nws yuav khiav mus nrhiav dua tus tshiab.  O, kuv tsis nco qab lawm puag tab koj hais tias koj npau suav tsis zoo no yog zoo li cas tiag.

Tsis muaj dab tsi os tej zaum yuav yog li koj hais puag tab.  Yog zoo li cas no kuv mam hu rau koj, Kos los kuj mam mus tsev lawm thiab ces mam ntsib koj pem tsev kawm ntawd.  Ua tsaug Tub ua koj tseem caw wb tuaj thiab, kuv zoo siab heev ua wb rov qab sib ntsib dua.  Kuv twb xav hais tias tsam koj tsis nco qab txog kuv lawm.

Xav dab tsi li ko ma?  Sib hlub npaum li wb no yuav ua li cas tsis hnov qab.  Nws twb lig lawm thiab lwm zaus wb mam tham, maj mam tsav tseb vim hais tias neb los kuj tau ntau lawm thiab.  Sib ntsib dua mog, Ntaj Neeb.

Thaum Ntaj Neeb los txog tsev nws tso xov tooj mloog ua cas yog Paj Yeeb Ntsha lub suab ua rau nws ntsej muag tuag tas.  Nws muab xov tooj tua lawm.  Nws xav loo…ab Nkauj Iab thiab Paj Yeeb Ntsha nkawd tsis tau hu kuv tib hnub li no sav, vim li cas tiag nes sim mloog kom tas seb muaj xwm dab tsi tiag.  Nws mloog xov tooj mus ntxiv thiaj li hnov Paj Yeeb Ntsha cov lus. “Ntaj Neeb, koj mus dab tsi lawm.  Koj nyob li cas lawm xwb, kuv vam thiab cia siab hais tias koj yuav tau txais koj kev noj qab haus huv.  Ntawm kuv los tsis muaj dab tsi?  Peb sawv daws xav ntsoov txog koj, xav txog thaum peb mus ua si nram hav dej.  Koj puas nco qab lawm nab, thaum koj hais rau Ntxhee Yees hais tias koj nyiam thiab xav ua nws tus hlub.  Xav txog mam kua muag los xwb.  Ntaj Neeb, kuv hais rau koj hais tias ib puas txav yam nws hloov tag lawm mog, peb sawv daws tsis tau sib pom los ntev lawm.  Nag hmo Nkauj Iab thiab kuv thiaj lawm mus saib Ntxhee Yees tom nws tsev thaum tsaus ntuj.  Thaum wb mus txog qhov wb pom ua rau wb kua muag poob rau koj.  Paj Yeeb Ntsha pib quaj.  Ntaj Neeb, thov txim mog ua wb ua tsis tau li cas.  Thaum wb pom Thaiv thiab Ntxhee Yees sib hnia hauv Thaiv lub tsheb wb cia li txhav lawm.  Kuv thiaj hais rau Nkauj Iab kom nws cia li tsav tsheb mus xwb es nws thiaj li tsis pom wb.  Nkauj Iab cia li sib sib zog tsuj roj ua rau nkawd pom wb.  Nag hmo Ntxhee Yees tseem hu tuaj thov txim ntawm kuv hais tias qhov wb pom ntawd nws tsis muaj dab tsi kom kuv txhob qhia koj tsam koj kawm tsis tau ntawd.  Thov txim os, kuv cheem tsis tau kuv tus kheej lawm mog kuv thiaj li hu tuaj qhia rau koj tab si koj tsis nyob lawm ces kuv hais li no xwb.  Saib xyuas koj tus kheej nawb mog leej nus Hmoob dub dai siab.  Sib ntsib dua.”

Tom qab nws mloog tas nws muab lub xov tooj txawb raug lub rooj, lub xov tooj tawg tas.  Nws kua muag pib los.  Nws xav tsis txog hais tias nws txoj kev npau suav yuav muaj tseeb ua luaj.  Nws xav li cas los xav tsis tawm li thiaj li mus muab cov dej hauv tub yees los haus.  Tsis muaj leej twg paub hais tias nws hau ntau npaum li cas?  Tag kis sawv ntxov, txawm leej twg hu xov tooj tuaj los nws tsis teb li.  Kos hu tsib rau zaug los nws tsis teb li, thiaj koj Tub hu los tsis teb li.  Kos thiaj hais rau Tub hais tias kom Tub nrog nws mus saib seb tsam muaj xwb dab tsi tsis zoo.  Thaum nkawd tuaj txog nkawd khob qhov rooj tau ntev tsawv tsis muaj neeg teb thiaj li hu mus rau tus tswv tsev koj tuaj pab qhib qhov rooj vim nkawd txhawj txoj Ntaj Neeb heev.  Nkawd nkag mus txog hauv tsev pom Ntaj Neeb tsis pw hauv pem teb tuav rawv ib poom dej.  Nkawd maj nraum nroos mus tsa, nws mam sawv los.

Kos tsa loo qhov ncauj nug, ua cas rau koj lawm?  Koj ua dab tsi li no, tsis yog koj vwm lawm los?  Ntaj Neeb, wb hu koj 10 tawm zaus kom koj tuaj es peb nrog Ntxhais thiab Paj Ntshua Nplaim lawm mus ua si nram hiav tswv.  Koj feeb tsis meej lawm los.  Koj haus ntau npaum li cas, tsis yog koj haus tag nrho poom Barcardi no lawm los?

Tub thiab Kos ntawd xav tsis tawm li thiaj li mam pom lub xov tooj tawg tas nyob pem ces kaum tsev.  Nkawd sib ntsia ib pliag thiaj li mam muab Ntaj Neeb lub xov tooj los hu rau Paj Yeeb Ntsha thiab Nkauj Iab nkawd.  Nkawd hu tau rau Paj Yeeb Ntsha thiab qhia rau nws hais tias Ntaj Neeb muab xov tooj tsoo tas yog vim li cas.  Paj Yeeb Ntsha mam piav rau nkawd qhov nws hu rau Ntaj Neeb nag hmo.  Tom qab nrog nkawd tham tas Paj Yeeb Ntsha txawj heev thiaj li hu rau Nkauj Iab.

Nkauj Iab, Tub thiab Kos nkawd puas hu rau koj?

Nkawd hu tsis tau kuv, thaum ntawd kuv tseem tab tom noj su nrog Koob Meej, Nkauj Ntsuab, thiab Ntxhee Yees lawv.  Ua cas koj tsis tuaj nrog peb no su.  Nkauj Iab tsis paub hais tias Paj Yeeb Ntsha twb tsis xav phom Ntxhee Yees lawm.

Lawv puas tseem nyob ntawm ko?

Lawv tsis nyob lawm os, ua li cas?

Koj puas nco qab qhov hnub i wb pom tom Ntxhee Yees tsev lawm?  Kuv paub lawm hais tias wb twb cog lust sis qhia rau Ntaj Neeb tab sis kuv tsis xav li ntawd, nag hmo kuv hum us qhia rau nws tab sis nws tsis nyob lawm.  Kuv tso lus rau xov tooj xwb,         nag hmo thaum nws los txog tsev nws mloog tas nws muab xov tooj tsoo tawg tas lawm, Tub thiab Kos nkawd hu nws lub xov tooj ntawm duav los nws tsis teb nkawd thiaj li mus tom nws tsev.  Nkawd pom nws tseem pw hau kav pev tua rawv ib poom Barcardi.  Tam sim no nws nyuaj siab heev.

Kuv twb hais rau koj lawm hais tias kav liam no nev, koj tsis mloog kuv hais los pob seb yuav ua li cas no tam sim no na.  Koj yeej paub zoo lawm hais tias yog Ntxhee Yees thiab nws niam thiab txiv paub ces lawm yuav hais li cas no.  Nws niam thiab txiv yuav tu siab heev rau nws.

Kuv paub lawm los mas, tab sis kuv cog lus hais tias kuv mam saib Ntxhee Yees rau nws tam sim no muaj xwm zoo li no, kuv yuav cheem tsis tau kuv tus kheej.  Kuv yuav nyob twj ywm tsis tau, koj paub lawm hais tias nws zoo li wb tus nus.

Txawm li cas los kav liam koj twb qhia lawm ces wb yuav ua tsis tau li cas lawm.  Cia kuv mam nrog Tub thiab Kos nkawd tham seb nws ua li cas lawm.

            Tsis muaj leej twg paub hais tias Nkauj Iab hu rau Kos thiab Tub los tsi hu.  Twb tav su dua lawm Ntaj Neeb mam feeb meej.  Tom qab nws da dej tas.  Tub thiaj nug tias.

Yawg ua li cas rau koj lawm?  Eb, tag kis no Ntxhais lawv hu kom peb nrog lawm mus ua si nram hiav txwv wb thiaj hu rau koj es wb tuaj tos koj tab sis koj tsis teb li wb thiaj li tuaj khob qhov rooj.  Koj ua rau wb poob siab tas, koj tau hu plig nawb thib no na…nkawd luag luag.

            Tsis paub yuav ua li cas li lawm os.  Kuv tsis ntseeg hais tias nws yuav ua tau li no rau kuv thiab Thaiv, nws twb pom xeeb yog kuv tus kwv tij zoo.  Nws los kuv paub kev cai thiab vim li cas nws thiaj ua li no?

            Koj tsis nco qab qhov nag hmo kuv hais rau koj lawm los, hluas nkauj no ces yog yus tsis nyob ze nws ces nws yeej ua tsis ncaj rau yus xwb os.  Tos kuv hais li los thaum kuv tuaj kawm ntawd nram no kuv tus twb ua li rau kuv lawm.  Txhob xav ntau ntau, hluas nkauj muaj coob muaj ntau mam nrhiav yeej yuav tau yus tus tav xwb.  Los peb mus ua si, mam hu rau Ntxhais thiab Paj Ntshua Nplaim lwm zaus peb mam nrog lawm mus ua si.

            Tau ob lim tiam tom qab Ntaj Neeb mam hu rau Ntxhais.

            Nyob zoo Ntxhais koj nyob li cas lawm xwb?  Hnub no koj ua dab tsi xwb?

            Kuv los kuj nyob zoo tsis muaj dab tsi.  Kuv tab tom hais ntawd xwb vim hais tias Monday kuv yuav xeem ntawv. 

            Yog koj tsis khoom no tsis ua li cas lwm zaus kuv mam hu koj dua.

            Tsis ua li cas, kuv tham tau mas.  Nws me me xwb, kuv twb paub tas lawm, kuv lam saib dua xwb. Kuv xav ntshe koj tsis hnov qab txog kuv lawm.   O Ntaj Neeb, kuv pab koj tu siab heev.  Tab sis tsis txhob xav hais tias ntej teb hluas nkauj yuav phem ib yam.

            Kuv tsis xav li ntawd txawm nws ua tau li ntawv los kuv tsis xav li cas tej zaum tsis yog yus hmoov xwb thiaj li zoo li no.

            Tsis txhob hais li ko, txhob rawm tas kev cia siab ma.  Tej zaum yus tus tav los tsis tau txog xwb.

            Koj puas ntseeg hais tias yus yug los pawv ib tug tav?  Haha.  Sim neej no ntshe kuv yuav ntseeg tsis tau hluas nkauj ntxiv lawm os.  Thov txim ua koj hnov txhua yam.

            Tsis ua li cas os, yog koj xav tau ib tug phooj ywg nrog tham no tsis txhob hnov qab kuv.

            Ua tsaug o smog, Ntxhais.  Kuv yuav tau mus lawm, sib ntsib dua lwm zaus.  Saib xyuas koj tus kheej mog, sib ntsib dua.

            Sib ntsib dua mog leej nus Hmoob tus dai siab.

            Ib hli tom qab.  Ntaj Neeb, Tub, thiab Kos lawd nyob hauv Ntaj Neeb tsev.

            Tub thiab Kos, kuv yuav tawm ntawd ib ntus seb nws yuav zoo li cas?  Thov neb tsis txhob qhia rau leej twg, yog kuv niam thiab kuv txiv nkawv paub nkawd yuav tsis tsaus siab rau kuv.

            Koj vwm lawm los, koj feeb tsis meej lawm pob Ntaj Neeb, koj niam thiab koj txiv ntawd cia siab rau koj xwb.  Wb tsis pub koj ua li no li nawb.

            Kuv yuav mus ua tub ceev xwb, lawd twb txais kuv mus police academy lawm, kuv pib tag kis.  Kuv thov txim uas kuv tsis qhia rau neb paub.  Kuv twb qhia rau Ntxhais tas lawm nws tsis xav li cas rau kuv.

            Ntxhais yog Ntxhais, nws tsis paub koj zoo npaum li wb.  Koj yuav ua li no tsis tau li nawb, Ntaj Neeb.  Yog koj xav ua tub ceev xwm tiag no kawm ntawd tag mam mus tsis lig.  Tsis txhob cia hluas nkauj ua rau yus vwm li no.  Yus yog txiv neej xawm yuav tsum ua siab loj, maj mam xav maj mam ua tsam yus tu siab rau yus tus kheej.

            Kuv twb muab xav tas los xav thiab lawm tau ob peb hli no lawm.  Thaum xub mam xav hais tias cia kawm ntawd tas tso tab sis tam sim no txhua yam nws hloov tas lawm.  Txhua yam tsis zoo li siab xav.  Kuv txiav txim siab rau lawm, neb tsis txhob cheem kuv mog,  cia kuv ua mus seb zoo li cas, ob peb xyoos tom ntej no kuv mam rov qab mus kawm ntawd.  Ua tsaug ua neb pab txhawj txog kuv mog.  Kuv yuav tsis hnov qab neb txoj kev phooj ywg.  Kav tsij haus tsam dej sov tas lawm os, haus ma?

            Rau hli tom qab, Ntaj Neeb kuj tau ua ib tug tub ceev xwm hauv Miami lawm tiab.

            Ntxhais, kuv tau ua tub ceev xwm lawm tiag, ua koj tsaug ua koj tseem ntseeg kuv thiab.

            Kuv nrog koj zoo siab ntau os.  Kuv paub lawm hais tias koj yuav ua tau ib tug tub ceev xwm zoo.  Yog koj xav tau dab tsi no tsib txhob hnov qab kuv mog.

            Hmmm, kuv xav tau ib yam tab sis kuv ntshai tsam koj muab tsis tau rau kuv.

            Dab tsi ma?  Yam kuv muab tau kuv yuav muab rau koj.

            Tiag tiag los, yog koj hais li ko no ces kuv mam hais mas?  Ntxhais, yam ua kuv xav tau yog koj nrog kuv mus ua si nram Key West Island tag kis, mus nrog kuv ua kev lom zem.

            Li ko xwb?  Kuv xav hais tias ntshe koj xav tau dab tsi.  Ua li ntawd los tau, kuv mam hu koj tag kis sawm ntxov.  Ua tsaug ua koj tseem xam hais tias kuv yog koj ib tug phooj ywg.

            Mam ntsib koj tag kis.  Saib xyuas koj tus kheej mog.

            Hnub Saturday, Ntaj neeb thiab Ntxhais nkawd mus ua sis rau nram Key West Island.

            Ntxhais kuv muaj ib yam kuv xav nug koj puas yauv tau na?

            Dab tsi na?  Yog kuv muaj lus dab tsi los hais los ma?  Kuv mam teb koj rau li kuv teb tau.

          Kuv tsis paub yuav hais li cas thiaj zoo.  Kuv ummm, kuv xav nug koj seb koj puas kam ua kuv tus hluas nkuaj xwb?

            Los, ua cas zoo li koj ntshai ua luaj, tej zaum koj lam dab xwb pob?

            Kuv hais tiag tiag hos, yog koj tsis xav li cas no seb koj puas kam txais tus neeg zoo li kuv no ua koj tus ma?

            Ntaj Neeb, kuv tos koj cov lus ko los lawm ntev lawm, kuv xav tsi txog hais tias kuv yuav tau hnov koj cov lus ko.  Kuv ntshai tsam koj tso tsis tau koj tus qub hlaus nkauj tseg.

            Txhob hais li ko ma, kuv twb xav hais los tau ob peb hlis no lawm tab sis tsis kuv xav hais tias cia kuv kawm tas tub ceev xwm tso.  Ntawm nws ces tsis muaj dab tsi lawm os.  Nws twb mus ua nws lub neej lawm es.  Yog koj muaj siab tiag no kuv yuav thov cia kuv lub siab rau koj ua tus tswv mog.  Saib xyuas nws koj zoo nawb.  Ua tsaug ntau ntau os Ntxhais.

           Ib tom qab Ntaj Neeb thiab Ntxhee Yees nkawd sib tso.  Ntaj Neeb nrhiav tau kev sov siab nrog rau Ntxhais, nkawd thiaj sib sau ua neej nyob rau hauv Miami, Florida.  Ntxhais tseem kawm ntawd, ho Ntaj Neeb yog ib tug tub ceev xwm ua muaj koob nto npe nyob hauv Miami.  Nws ua ib siab tsis rov qab mus California lawm, thiaj li tos nws tsev neeg rog nkawd nyob hauv Miami.